2026-yil 3-fevraldan 7-martgacha Jahon iqtisodiyoti va diplomatiya universitetining Diplomatik akademiyasida Oʻzbekiston Respublikasining xorijdagi diplomatik vakolatxonalari va konsullik muassasalariga uzoq muddatli rasmiy topshiriqlar bilan yuborilayotgan Oʻzbekiston Respublikasi Tashqi ishlar vazirligi xodimlari uchun ikki haftalik malaka oshirish kursi tashkil etildi.

Oʻquv dasturi doirasida oʻqilgan maʼruzalarda Oʻzbekiston tashqi siyosatining kontseptual asoslari, iqtisodiy diplomatiyaning ustuvor yoʻnalishlari, zamonaviy diplomatiyada “yumshoq kuch” masalalari, xalqaro siyosatdagi dolzarb tendentsiyalar, muzokaralar jarayonlarining tuzilishi, raqamli diplomatiya, diplomatik protokol va rasmiy yozishmalar yoritib berildi.

Shu bilan birga, 23-27 fevral kunlari Tashqi ishlar vazirligining oila a'zolari va texnik xodimlari uchun alohida bir haftalik o'quv kursi tashkil etildi. Sessiyalar davomida ishtirokchilar diplomatik vakolatxonalar faoliyati, diplomatik protokol asoslari, shuningdek, xorijiy mamlakatlarda xulq-atvor normalari va muloqot madaniyati bilan bog'liq masalalarni o'rganib chiqdilar.

Kurslar tugagandan so'ng, test sinovlari o'tkazildi va treningni muvaffaqiyatli tamomlagan ishtirokchilarga davlat namunasidagi sertifikatlar topshirildi.