ЖИДУ ҳузуридаги Дипломатик академия давлат гранти асосида дипломатия, халқаро сиёсат, иқтисод ва ҳуқуқ, умуман, халқаро муносабатлар бўйича изоҳли луғат яратишга киришди. Ушбу лойиҳада иштирок этиш учун юқорида номи санаб ўтилган соҳаларнинг таниқли мутахассис олимлари таклиф этилди. Лойиҳа ЖИДУ ректори С.Сафоев ташаббуси билан амалга оширила бошлади.  

Луғатга асос қилиб соҳанинг дунё миқёсида машҳур нашрлари: “The Oxford handbook of Modern Diplomacy”, “The Palgrave Macmillan dictionary of diplomacy”, “Новый дипломатический словарь” каби луғатлар, шунингдек маҳаллий нашрлар: “Дипломатик терминлар изоҳли луғати”, “Сиёсий терминлар луғати” ва бошқа кўплаб луғат ва адабиётлар асос бўлиб хизмат қилади.

Янги луғат соҳа мутахассислари, илмий ходим ва изланувчилар, талабалар учун яхши туҳфа бўлади, деб ўйлаймиз.