XALQARO HAMKORLIK

JIDU huzuridagi Diplomatik akademiyaning Xalqaro aloqalar bo'limi xalqaro aloqalarni mustahkamlash va kengaytirishda muhim rol o'ynamoqda. Bo'lim faoliyatining asosiy yo'nalishlari quyidagilardan iborat:

-akademiyaning xalqaro faoliyatini tashkil etish va muvofiqlashtirish, diplomatik ta'lim va fan sohasida global hamkorlik va munosabatlarni rivojlantirishga qaratilgan xalqaro aloqalarni qo'llab-quvvatlash.

-akademiyaning ta'lim dasturlari doirasida chet el fuqarolari va fuqaroligi bo'lmagan shaxslarning O'zbekiston Respublikasi hududida o’qishga kirishi, o'qishi va bo’lishi bilan bog'liq masalalar.

-talabalar va o'qituvchilarning xorijda bilim olishi va tajriba almashishi, kasbiy darajalarini oshirishlari va xalqaro ilmiy hamkorlikni kengaytirishga qaratilgan akademik harakatchanlik dasturida ishtirok etish.

-qo'shma ta'lim va ilmiy loyihalarni amalga oshirish bo’yicha xorijiy universitetlar, diplomatik akademiyalar va xalqaro tashkilotlar bilan hamkorlikni rivojlantirish.

Xalqaro aloqalar bo'limi o'z faoliyatini O’zbekiston Respublikasi qonunchiligiga, shuningdek O'zbekiston Respublikasi Prezidentining 2022-yil 23-iyuldagi PQ-330-son qaroriga muvofiq amalga oshiradi.

Xalqaro faoliyat

JIDU huzuridagi Diplomatik akademiya yetakchi xorijiy oliy o'quv yurtlari, xalqaro tashkilotlar va diplomatik akademiyalar bilan faol hamkorlik qiladi. Akademiyaning dunyoning turli mintaqalarida hamkor turdosh o'quv yurtlari mavjud bo’lib, ular bilan uzoq muddatli hamkorlik shartnomalari imzolangan. Ular orasida:

-Saudiya Arabistoni Podshohligi

-Misr Arab Respublikasi

-Qirg'izston Respublikasi

-Turkiya Respublikasi

-Hindiston Respublikasi

-Quvayt Davlati

-Koreya Respublikasi

-Bangladesh Xalq Respublikasi

-Italiya Respublikasi

Ushbu hamkorlikning asosiy yo'nalishlari quyidagilardan iborat:

-talabalar va o'qituvchilarning akademik harakatchanligini ta'minlash, bu esa global ta'lim hamjamiyatiga qo'shilish va ilg'or bilimlarni almashishga yordam beradi.

-xalqaro ko'rgazmalar, konferensiyalar, seminarlar, mahorat darslari, simpoziumlarni tashkil etish va ularda ishtirok etish, shuningdek, ilmiy va kasbiy aloqalarni kengaytirish uchun o'zaro tashriflar o'tkazish.

-ilmiy-tadqiqot loyihalarini, malaka oshirish dasturlarini birgalikda ishlab chiqish va amalga oshirish, shuningdek ilmiy va ta'lim resurslarini almashish.

-ilmiy aloqalarni mustahkamlash va xalqaro munosabatlar sohasida mutaxassislarni tayyorlash darajasini oshirish uchun o'zaro manfaatli sohalarda ilmiy materiallar, nashrlar va axborot bilan almashish.

O'zbekiston Respublikasi TIV JIDU huzuridagi Diplomatik akademiya Xalqaro aloqalar bo'limi bilan bog’lanish:

E-mail: d.umarov.bahodirovich@gmail.com

Tel.: (+998 90) 051-32-42