Jahon iqtisodiyoti va diplomatiyasi universiteti huzuridagi Diplomatiya akademiyasi Koreya Respublikasi Mudofaa vazirligi Markaziy Osiyo davlatlari bilan hamkorlik boshqarmasi mutaxassisi Cho Inhaeng uchun ikki haftalik qisqa muddatli maxsus o‘quv kursi tashkil etildi.

Maxsus kurs dasturi doirasida koreyalik mutaxassis “O‘zbekiston Respublikasining yangi tashqi siyosat strategiyasi” hamda “Xalqaro xavfsizlik muammolari va mintaqaviy hamkorlik” mavzulari bo‘yicha o‘quv dasturlari asosida bilim oldi.

Kursning amalga oshirilishi Koreya Respublikasi va O‘zbekiston Respublikasi o‘rtasidagi hamkorlikni rivojlantirish istiqbollarini anglashga hamda Markaziy Osiyodagi geosiyosiy jarayonlar bo‘yicha amaliy bilimlarni chuqurlashtirishga xizmat qiladi.