2025-yil 14-yanvar kuni JIDU huzuridagi Diplomatik akademiyada JIDU professor-o’qituvchilari, Diplomatik akademiya magistrant va xodimlari uchun Bangladeshning O‘zbekistondagi elchisi Mohammad Monirul Islomning “O‘zbekiston-Bangladesh munosabatlarini rivojlantirish va mintaqalararo o‘zaro bog‘liqlik” mavzusida ma’ruza o‘qildi.

Ma’ruza davomida M.Monirul Islom O‘zbekistonga ilk bor 2010-yilda Bangladesh Xalq Respublikasining O‘zbekiston Respublikasidagi Muvaqqat ishlar vakili sifatida tashrif buyurganini ta’kidladi. Uning soʻzlariga koʻra, oʻtgan davr mobaynida respublikada sezilarli transformatsion oʻzgarishlar roʻy berib, ular jadal surʼatlar bilan amalga oshirilmoqda, shuningdek u elchi sifatida “Yangi Oʻzbekiston” qurilishi haqida dadil gapira oladi.

Shuningdek, Markaziy va Janubiy Osiyoning tarixiy jihatlari, o‘zaro bog‘liqligi haqida so‘z yuritildi. Xususan, Bangladesh diplomatik missiyasi rahbari mamlakatimizning qadimiy O‘zbekiston zaminida yashab ijod etgan Imom Al Buxoriy, Abu Rayhon Beruniy, At Termiziy, Ibn Sino, Jaloliddin Rumiy va boshqa buyuk mutafakkirlarni e’zozlashini alohida ta’kidladi.

Shu bilan birga, O‘zbekiston va Bangladesh o‘rtasida hamkorlik uchun hali foydalanilmagan salmoqli iqtisodiy salohiyat mavjudligi ta’kidlandi. Dakkaning Toshkent bilan tomonlarning o‘zaro manfaatlariga javob beradigan yaqin munosabatlarni rivojlantirishdan manfaatdorligi bildirildi.

Uchrashuv davomida ma’ruzachiga JIDU va Diplomatik akademiya professor-o‘qituvchilarining katta qiziqishini aks ettirgan ko‘plab savollar berildi.