2023-yil 29-may kuni Rimda Italiya xalqaro tashkilotlar jamiyati (Società Italiana per L'organizzazione Internazionale) tomonidan tashkil etilgan "O'zbekiston va Italiya: hamkorlikning yangi qirralari" davra suhbati bo'lib o'tdi.

Ishtirokchilar mintaqada siyosat, savdo, barqaror rivojlanish, tejamkor energiya iste'moli, "yashil iqtisodiyot", transport, logistika va xavfsizlik sohalarida hamkorlikni yo'lga qo'yish masalalarini muhokama qildilar.

Tadbir doirasida Jahon iqtisodiyoti va diplomatiya universiteti huzuridagi Diplomatik akademiya hamda Italiya xalqaro tashkilotlar jamiyati o'rtasida o'zaro anglashuv memorandumi imzolandi. Ular o'rtasidagi hamkorlikni yanada rivojlantirish ikki davlat o'rtasidagi munosabatlarni yaxshilashga munosib hissa qo'shishiga umid bildirildi.