Ismatulla Fayzullayev hozirgi kunda Oʻzbekiston Respublikasi Tashqi ishlar vazirligi huzuridagi Jahon iqtisodiyoti va diplomatiya universiteti Diplomatik akademiyasida Diplomatik kadrlarni qayta tayyorlash va malakasini oshirish fakulteti dekani lavozimini egallab kelmoqda.

1992-yildan 2024-yil fevralgacha TIV tizimida turli lavozimlarda ishlagan, jumladan, Amerika mamlakatlari bilan hamkorlik boshqarmasi va Osiyo va Afrika mamlakatlari bilan hamkorlik boshqarmasini boshqargan.

U bir necha bor Oʻzbekiston Respublikasining diplomatik vakolatxonalariga uzoq muddatli xorijiy xizmat safarlariga yuborilgan: AQSH va Kanadadagi Elchixonasi (1996-1999-yillar va 2002-2006-yillar), Pokistondagi Elchixonasi (2009-2013-yillar) va Saudiya Arabistoni Podshohligi Elchixonasiga (2016-2021-yillar). Shuningdek, Islom hamkorlik tashkiloti sessiyalarida Oʻzbekiston vakili sifatida qatnashib kelgan.

Ilgari u SSSRning Yaman (1979-1982-yillar) va Suriyadagi (1987-1990-yillar) xorijiy missiyalarida ishlagan.

U birinchi darajali maslahatchi diplomatik unvoniga ega.

Ingliz va arab tillarini biladi.