Ibragim Radjabovich Mavlanov – professor, iqtisodiyot fanlari doktori, "Xalqaro moliya va investisiya" kafedrasi professori, Jahon iqtisodiyoti va diplomatiya universiteti, Oʻzbekiston. 2005-2015 yillarda "Amaliy diplomatiya" kafedrasi mudiri, 2015-2018 yillarda Jahon iqtisodiyoti va diplomatiya universitetining "Xalqaro savdo va investisiyalar" kafedrasi mudiri. 1992-2005 yillarda: tashqi ishlar vazirligining tashqi iqtisodiy aloqalar boʻlimi boshligʻi, Oʻzbekistonning Latviyadagi diplomatik missiyasi rahbari, Oʻzbekiston Respublikasi Prezidenti Devoni davlatlararo aloqalar boʻyicha Bosh maslahatchisi, Oʻzbekistonning Hindiston va Bangladeshdagi Favqulodda va Muxtor elchisi, Oʻzbekiston tashqi ishlar vazirining birinchi oʻrinbosari. 1992-yilgacha iqtisodiyotda axborot texnologiyalari va matematik usullarni qoʻllash, avtomatlashtirilgan boshqaruv tizimlarini ishlab chiqish ilmiy-amaliy sohasida ishlagan. Germaniya (Universität Gießen), Yaponiya (Waseda universiteti), Hindiston (tadqiqot va axborot tizimlari markazi), Rossiya (MGIMO, RUDN va diplomatik Akademiya) universitetlarida tadqiqot va ma'ruzalar oʻqigan. Xalqaro ilmiy grantlar gʻolibi: Germaniya akademik almashinuv xizmati, Yaponiya fondi, Hindiston texnik-iqtisodiy hamkorlik dasturi, BMT Oʻzbekistonda, shuningdek Oʻzbekiston Fanlar Akademiyasining respublika ilmiy grantlari. Oʻzbekiston va xorijda chop etilgan 20 dan ortiq kitob (monografiya, darslik, oʻquv qoʻllanma) va xalqaro iqtisodiy munosabatlar, jahon iqtisodiyoti, iqtisodiy diplomatiya, tashqi siyosat va iqtisodiy-matematik usullar sohasidagi 200 dan ortiq ilmiy maqolalar muallifi.