2024-yil 3-iyuldan 13-iyulgacha JIDU huzuridagi Diplomatik akademiyada O’zbekiston Respublikasi Tashqi ishlar vazirligi xodimlari uchun qisqa muddatli "O'zbekistonning yangilangan tashqi siyosati, zamonaviy diplomatiyada “Yumshoq kuch”, diplomatik protokol va etiket" kursi tashkil etildi.

O'quv jarayonida tinglovchilar diplomatik protokol va odob-axloq qoidalari asoslari, ishbilarmonlik yozishmalarini o'tkazish nazariyasi va amaliyoti, diplomatik qabullarni tashkil etish, muzokaralar olib borish, shuningdek, turli darajadagi rasmiy tashriflarda protokol tadbirlari dasturlarini tayyorlash metodikasi kabi sohalarda nazariy va amaliy ko'nikmalarni o'zlashtirdilar.

2024-yil 13-iyul kuni o‘qish jarayonini muvoffaqiyatli tugatgan barcha tinglovchilariga O'zbekiston Respublikasi TIV JIDU huzuridagi Diplomatik akademiyaning qisqa muddatli kurslarini tamomlaganlik to'g'risidagi sertifikatlar topshirildi.

2024-yil 24-iyundan 5-iyulgacha JIDU huzuridagi Diplomatik akademiyada Prezidenti huzuridagi ijtimoiy himoya milliy agentligi xodimlari uchun qisqa muddatli "O‘zbekiston Respublikasi tashqi siyosati asoslari, diplomatik protokol, etiket va muzokaralar jarayoni" kursi tashkil etildi.

O‘quv jarayonida tinglovchilar diplomatik protokol va odob-axloq qoidalari asoslari, ishbilarmonlik yozishmalarini o‘tkazish nazariyasi va amaliyoti, diplomatik qabullarni tashkil etish, muzokaralar olib borish, shuningdek, turli darajadagi rasmiy tashriflarda protokol tadbirlari dasturlarini tayyorlash metodikasi kabi sohalarda nazariy va amaliy ko‘nikmalarni o‘zlashtirdilar.

2024-yil 5-iyunl kuni kursning barcha tinglovchilariga O‘zbekiston Respublikasi TIV JIDU huzuridagi Diplomatik akademiyaning qisqa muddatli kurslarini muvoffaqiyatli tamomlaganlik to‘g‘risidagi sertifikatlar topshirildi.

Hurmatli Abdurafik Abduvaliyevich!

Ushbu muhim, tantanali kunda Sizni Jahon iqtisodiyoti va diplomatiya universiteti, Diplomatik akademiya jamoalari va shaxsan o‘z nomimdan 70 yillik yubileyingiz bilan tabriklayman.

Bunday sana inson hayotidagi muhim bosqich bo‘lib, unda boy hayotiy tajriba asosida yangi istiqbolli maqsadlar aniqlanadi.

Shu yillar davomida Siz turli tashkilotlarda, diplomatik sohada va davlat boshqaruvi tizimida mas'uliyatli lavozimlarda ishladingiz. O‘zbekiston Respublikasining Quvayt davlatidagi, Qatar davlatidagi, Bahrayn Podshohligidagi Favqulodda va Muxtor Elchisi sifatida munosib vakillik burchini bajardingiz, hozirda esa Tashqi ishlar vazirligi Jahon iqtisodiyoti va diplomatiya universiteti huzuridagi Diplomatik akademiyaning Mahsus fanlar kafedrasi mudiri lavozimida talaba yoshlar, magistrantlar bilan boy tajribangizni almashmoqdasiz.

Men Sizning muhim ijtimoiy faoliyatingizni, mahalliy diplomatiyaning boy an'analarini saqlab qolish va davom ettirish uchun samimiy g'amxo‘rligingizni alohida ta'kidlashni istardim.

Iqtidorli diplomat va  ustoz sifatida Siz boy kasbiy yo‘lni bosib o‘tdingiz, muhim, olijanob va ma'naviy faoliyatingizda muhim yutuqlarga erishdingiz.

Ushbu imkoniyatdan foydalanib, Sizga eng avvalo mustahkam salomatlik tilaymiz, oilaviy baht-saodat, har bir yangi kun Sizga yangi zafarlar va keyingi ijodiy muvaffaqiyatlar uchun yangi kuch va quvvat bag‘ishlashini istab qolamiz.

Samimiy ehtirom bilan,

Abdusamat Xaydarov

Toshkent shahri, 2024-yil 5 iyul

Matni rus tilida o'qishingiz mumkin

Муҳтарам Дипломатик академия ходимлари! Сизларни муборак Қурбон ҳайити билан самимий табриклайман !

Сизга, оила аъзоларингиз ва барча яқинларингизга сиҳат-саломатлик, фаровонлик, хонадонингизга файзу барака ва фаолиятингизда улкан зафарлар тилайман.

Хурмат билан, А.Хайдаров

2024 yil 11 iyun kuni Toshkent shahrida O'zbekiston Respublikasi va Bangladesh Xalq Respublikasi tashqi siyosat idoralari o'rtasida siyosiy maslahatlashuvlarning navbatdagi raundi bo'lib o'tdi.

Maslahatlashuv yakunida JIDU huzuridagi Diplomatik akademiya va Bangladesh diplomatik servis akademiyasi o'rtasida o'zaro anglashuv memorandumi imzolandi.

2024-yil 27-maydan 8-iyungacha JIDU huzuridagi Diplomatik akademiyada O‘zbekiston Respublikasi Mudofaa vazirligi qo‘mondonlik tarkibi ofitserlari uchun ikki haftalik "O‘zbekiston Respublikasi tashqi siyosati asoslari, diplomatik protokol, etiket va muzokaralar jarayoni" kursi tashkil etildi.

O‘quv jarayonida tinglovchilar diplomatik protokol va odob-axloq qoidalari asoslari, ishbilarmonlik yozishmalarini o‘tkazish nazariyasi va amaliyoti, diplomatik qabullarni tashkil etish, muzokaralar olib borish, shuningdek, turli darajadagi rasmiy tashriflarda protokol tadbirlari dasturlarini tayyorlash metodikasi kabi sohalarda nazariy va amaliy ko‘nikmalarni o‘zlashtirdilar.

2024-yil 8-iyun kuni kursning barcha tinglovchilariga O‘zbekiston Respublikasi TIV JIDU huzuridagi Diplomatik akademiyaning qisqa muddatli kurslarini muvoffaqiyatli tamomlaganlik to‘g‘risidagi sertifikatlar tantanali ravishda topshirildi.

Joriy yilning 5-iyun kuni Jahon iqtisodiyoti va diplomatiya universitetiga Jahon savdo tashkiloti (JST) bosh direktori Ngozi Okonjo-Iveala tashrif buyurdi.

Ushbu tashrif O‘zbekistonning jahon savdo tizimiga tabora integratsiyalashib borayotganligini hamda bu jarayonda JIDUda amalga oshirilayotgan “Jahon savdo tashkiloti kafedrasi” loyihasi ishtirokchisi sifatidagi muhim o‘rnining e’tirofi hisoblanadi.

Oliy Majlis Senati Raisining birinchi o‘rinbosari, JIDU rektori Sodiq Safoyev JST rahbarini qutlab, O‘zbekistonning ushbu nufuzli xalqaro tuzilmaga kirish jarayonini jadallashtirish istagidagi tashrifining muhimligini qayd etdi.

“O‘zbekistonda amalga oshirilayotgan islohotlarning maqsadlari JSTning erkin va shaffof savdo aloqalarini ta’minlash va kengaytirish orqali mamlakatlarning barqaror rivojlanishiga ko‘maklashish va aholi farovonligini yaxshilashga qaratilgan vazifalariga to‘liq mos keladi”, dedi rektor.

Okonjo-Iveala uchrashuv doirasida har bir mamlakatning samarali tashqi savdo siyosatini shakllantirishda ilm-fan vakillarining hissasi muhim ahamiyatga ega ekanligini e’tirof etib, mintaqaviy hamkorlik masalalarini tadqiq qilishda, kadrlar salohiyatni oshirishda, hozirgi zamon savdo munosabatlarida yuzaga kelayotgan masalalarni hal qilish va barqaror iqtisodiy o‘sishni rag‘batlantirish maqsadida JIDU hamda davlat organlari, shuningdek JST kafedralari tarmog‘ining boshqa ishtirokchilari o‘rtasida qo‘shma tadqiqot loyihalarini rag‘batlantirish muhimligini ta’kidladi.

Shuningdek, Jahon savdo tashkilotining mintaqamizda yagona bo‘lgan “JST kafedrasi” loyihasini JIDUda muvaffaqiyatli amalga oshirilishi hamda universitetni soha bo‘yicha mamlakatimizdagi yetakchi oliy ta’lim muassasasi va ilmiy-tadqiqot markaziga aylanishidagi tutgan o‘rnini, shuningdek Ngozi Okonjo-Iveala xonimning xalqaro iqtisodiy munosabatlarni rivojlantirishga qo‘shgan ilmiy-amaliy hissasini e’tiborga olgan holda, Jahon savdo tashkiloti Bosh direktori JIDUning Faxriy doktor unvoni bilan taqdirlandi.

Ushbu muhim voqea JST Bosh direktorining soʻnggi yillar davomida JST azoligiga nomzod mamlakatlarga amalga oshirgan tashriflaridan biri boʻlib, Oʻzbekistonning koʻp tomonlama savdo tizimiga integratsiyalashuvining ahamiyati katta ekanligini ko‘rsatib turadi.

2024-yil 13-maydan 25-maygacha JIDU huzuridagi Diplomatik akademiyada O'zbekiston Respublikasi Mudofaa vazirligi qo'mondonlik tarkibi ofitserlari uchun ikki haftalik "O'zbekiston Respublikasi tashqi siyosati asoslari, diplomatik protokol, odob-axloq qoidalari va muzokaralar jarayoni" kursi tashkil etildi.

O'quv jarayonida tinglochilar diplomatik protokol va odob-axloq qoidalari asoslari, ishbilarmonlik yozishmalarini o'tkazish nazariyasi va amaliyoti, diplomatik qabullarni tashkil etish, muzokaralar olib borish, shuningdek, turli darajadagi rasmiy tashriflarda protokol tadbirlari dasturlarini tayyorlash metodikasi kabi sohalarda nazariy va amaliy ko'nikmalarni o'zlashtirdilar.

2024-yil 25-may kuni kursning barcha tinglovchilariga O'zbekiston Respublikasi TIV JIDU huzuridagi Diplomatik akademiyaning qisqa muddatli kurslarini tamomlaganlik to'g'risidagi sertifikatlar tantanali ravishda topshirildi.

Joriy yilning 22-may kuni Jahon iqtisodiyoti va diplomatiya universitetida O‘zbekiston Respublikasi Mudofaa vazirligi bilan hamkorlik memorandumini imzolash marosimi bo‘lib o‘tdi.

Tadbirda Oliy Majlis Senati Raisining birinchi o‘rinbosari, JIDU rektori Sodiq Safoyev, O‘zbekiston Respublikasi Mudofaa vazirining birinchi o‘rinbosari – Qurolli Kuchlar Bosh shtabi boshlig‘i general-mayor Shuxrat Xalmuxammedov hamda hamkorlik uchun mas’ul mansabdor shaxslar ishtirok etishdi.

Mazkur memorandum qonunchilik hujjatlarida belgilangan va o‘z faoliyat yo‘nalishlarida ko‘zlangan natijalarga erishish maqsadida ishlab chiqilgan bo‘lib, unga ko‘ra tomonlar o‘zaro manfaatli munosabatlarni qo‘llab-quvvatlash va rivojlantirish hamda vakolatlari doirasidagi tadbirlarni yanada faollashtirish bo‘yicha hamkorlikda faoliyat olib borishadi.

Hamkorlik doirasida jahonda ro‘y berayotgan tashqi, ichki siyosiy va ijtimoiy-iqtisodiy jarayonlarning asosiy tendensiyalarini har tomonlama chuqur o‘rganib borilishi, amaliy taklif va tavsiyalar ishlab chiqilishi, shuningdek, mamlakatning milliy (harbiy) xavfsizligini ta’minlash, davlat mudofaa qobiliyatini oshirish, mudofaa va harbiy qurilish sohalarida davlat siyosatini sifatli amalga oshirish bo‘yicha xalqaro tajribalarni o‘rganish borasidagi sa’y-harakatlarni muvofiqlashtirib borish ko‘zda tutilgan.

Imzolangan hujjatda milliy va xalqaro darajadagi ilmiy-uslubiy konferensiyalar tashkil etish va o‘tkazish, xalqaro munosabatlar bo‘yicha ekspertlar va tor doiradagi mutaxassislarning o‘zaro tajriba almashinuvini amalga oshirish, xodimlar (ilmiy izlanuvchilar) ning malaka oshirishi, qayta tayyorlanish va amaliyotlar o‘tkazib borilishi kabi tadbirlar o‘rin olgan.

Joriy yilning 23-may kuni Jahon iqtisodiyoti va diplomatiya universiteti huzuridagi Diplomatik akademiya va Saudiya Arabistoni Qirolligi Shahzoda Saud Al-Faysal nomidagi diplomatik tadqiqotlar instituti o‘rtasidagi hamkorlik masalalariga bag‘ishlangan ilmiy-amaliy seminar bo‘lib o‘tdi.

Tadbirda institut Bosh direktori doktor A. Al Omrani boshchiligidagi Saudiya Arabistoni diplomatik tadqiqotlar instituti delegatsiyasi, Saudiya Arabistoni Qirolligining O‘zbekistondagi Elchixonasi, O‘zbekiston Respublikasi TIV vakillari, JIDU huzuridagi Diplomatik akademiya xodimlari, professor-o‘qituvchilar tarkibi va JIDU talabalari ishtirok etdi.

Seminar davomida istiqbolli qo‘shma ta’lim va ilmiy loyihalar muhokamasi bo‘lib o‘tdi. Diplomat kadrlarini tayyorlash va malakasini oshirish masalalariga alohida e’tibor qaratildi. Talabalar uchun arab tili kurslarini tashkil etish, umumiy manfaatdor masalalar bo‘yicha hamkorlikda tadqiqot olib borish, ilmiy nashrlar almashish imkoniyatlari ko‘rib chiqildi.

Shu bilan birga, ikki tomonlama Oʻzbekiston – Saudiya Arabistoni munosabatlari, xususan, savdo-iqtisodiy va sarmoyaviy hamkorlik masalalari koʻrib chiqildi. Saudiya Arabistonining O‘zbekiston iqtisodiyotiga kiritayotgan sarmoyalari hajmi hozirda 30 milliard dollardan ortiq baholanayotgani qayd etildi.

O‘zining yakuniy so‘zida doktor A.Al Omrani o‘zbekistonlik hamkasblar bilan hamkorlikka qiziqish yuqori ekanligini ta’kidladi. – Mamlakatlarimiz boy hamkorlik tarixiga ega va bunday aloqalar nafaqat bilim almashish, balki do‘stona aloqalarni mustahkamlashga ham xizmat qilmoqda. Hamkorlikdagi loyihalarning dolzarb masalalari va istiqbollarini muhokama qilish imkoniyatidan mamnunmiz”, — dedi u.