O‘zbekiston Respublikasi Prezidenti Shavkat Mirziyoyev Ashxobod shahriga tashrifi doirasida Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov bilan uchrashuv o‘tkazdi.

Davlatimiz rahbari Gurbanguli Berdimuhamedovni shoir va mutafakkir Maxtumquli Firog‘iy tavalludining 300 yilligiga bag‘ishlangan xalqaro forum yuksak darajada o‘tkazilgani bilan samimiy muborakbod etdi. Suhbatda O‘zbekiston-Turkmaniston strategik sheriklik munosabatlarini yanada kengaytirish, ko‘p qirrali hamkorlikni, ayniqsa siyosiy, parlamentlararo, savdo-iqtisodiy va madaniy-gumanitar sohalarda chuqurlashtirish masalalariga alohida e’tibor qaratildi.

O‘zaro tovar ayirboshlash jadal o‘sayotgani, chegaraoldi savdo hududini ishga tushirish bo‘yicha birgalikda olib borilayotgan ishlar, energetika, transport, qishloq va suv xo‘jaligi sohalarida hamkorlik kuchayib borayotgani mamnuniyat bilan qayd etildi. Faol hududlarlararo, ishbilarmonlik va madaniy-gumanitar almashinuv doirasidagi tadbirlar muntazam ravishda o‘tkazib kelinmoqda. O‘zbekiston va Turkmaniston yetakchilari mintaqaviy va xalqaro kun tartibidagi dolzarb masalalarni ham ko‘rib chiqdilar. Bo‘lajak oliy darajadagi muloqotlar rejasi ham muhokama qilindi. Davlatimiz rahbari Turkman xalqining milliy yetakchisiga Maxtumqulining o‘zbek tilida nashr etilgan tanlangan asarlari to‘plamini sovg‘a qildi.

O‘zbekiston Respublikasi Prezidenti Shavkat Mirziyoyev 8-oktabr kuni Mustaqil Davlatlar Hamdo‘stligi Davlat rahbarlari kengashining navbatdagi majlisida ishtirok etdi.

Rossiya Federatsiyasi Prezidenti Vladimir Putin raisligida o‘tgan sammitda Ozarbayjon Respublikasi Prezidenti Ilhom Aliyev, Belarus Respublikasi Prezidenti Aleksandr Lukashenko, Qozog‘iston Respublikasi Prezidenti Qasim-Jomart Toqayev, Qirg‘iz Respublikasi Prezidenti Sadir Japarov, Tojikiston Respublikasi Prezidenti Emomali Rahmon, Turkmaniston Prezidenti Serdar Berdimuhamedov va Armaniston Bosh vaziri Nikol Pashinyan, shuningdek, MDH bosh kotibi Sergey Lebedev qatnashdi.

Kun tartibiga muvofiq, ko‘p qirrali munosabatlarning holati va rivojlanish istiqbollari yuzasidan fikr almashildi, MDH doirasidagi amaliy hamkorlikning dolzarb masalalari muhokama qilindi.

Davlatimiz rahbari o‘z nutqida Rossiyaning Hamdo‘stlikda raisligi davrida ko‘p tomonlama hamkorlik barcha yo‘nalishlarda rivojlanganini yuqori baholadi.

MDH mamlakatlarining xavfsizligi va barqaror rivojlanishini ta’minlash bilan bog‘liq vaziyatga alohida e’tibor qaratildi.

MDH mamlakatlari maxsus xizmatlari va vakolatli idoralarining tizimli hamkorligini yo‘lga qo‘yish, bugungi tahdidlarga qarshi kurashish usullarini takomillashtirish, kiberxavfsizlikni ta’minlash sohasida kelishilgan choralar hamda dasturiy hujjatlarni qabul qilish muhimligi ta’kidlandi.

Hamkorlikning iqtisodiy yo‘nalishidagi birgalikdagi faoliyatni kuchaytirish ustuvor vazifa ekani qayd etildi.

O‘zbekistonning MDH mamlakatlari bilan tovar ayirboshlash hajmi yil boshidan buyon 16 foizga oshgan. Muvaffaqiyatli sanoat kooperatsiyasiga ko‘plab misollar mavjud.

MDH tarmoq kengashlari va qo‘mitalari faoliyatini faollashtirish zarurligi ko‘rsatib o‘tildi.

Kelgusi yil bahorida Toshkent shahrida "Innoprom" xalqaro sanoat ko‘rgazmasi doirasida MDH Iqtisodiy kengashi yig‘ilishi va Innovatsion rivojlanish forumini o‘tkazish taklif etildi.

Yaqinda bo‘lib o‘tgan MDH mamlakatlari yetakchi tahliliy markazlarining Toshkent konferensiyasi natijalarini hisobga olgan holda, uzoq muddatli sheriklikning yangi ustuvor yo‘nalishlarini qo‘llab-quvvatlash muhimligi ta’kidlandi.

Xususan, internet texnologiyalari va "katta ma’lumotlar" industriyasini rivojlantirish, raqamli yechimlarni jadal joriy etish, kreativ iqtisodiyot, yashil energetika va yadro texnologiyalari, iqlim muammolari va boshqalar shular jumlasidan.

Shu munosabat bilan MDH mamlakatlari ekspertlari va tahlilchilarining uchrashuvlarini muntazam o‘tkazish hamda navbatdagi konferensiyani Samarqand shahrida sun’iy intellektni rivojlantirish masalalariga bag‘ishlab o‘tkazish taklif etildi.

Gumanitar almashinuvlarni kengaytirish maqsadida Hamdo‘stlik davlatlari madaniyati kunlarini o‘tkazish taklif qilindi. Shu bilan birga, sog‘liqni saqlash, ta’lim, san’at, kino, turizm va sport sohalarida qo‘shma tadbirlar dasturini har yili tayyorlash zarurligi ta’kidlandi.

Samarqand va Toshkentni tegishlicha Hamdo‘stlikning madaniy poytaxti va yoshlar poytaxti deb e’lon qilinishi doirasidagi loyihalar amalga oshirilayotgani mamnuniyat bilan qayd etildi. Bundan tashqari, O‘zbekistonda shaxmat va futbol bo‘yicha yoshlar jamoalari o‘rtasida MDH ochiq kubogi musobaqalari o‘tkaziladi. Yakunda O‘zbekiston Prezidenti Tojikiston Respublikasi Prezidenti Emomali Rahmonni 2025-yilda tashkilotga raislikni qabul qilgani bilan tabrikladi. Sammit yakunida MDH doirasidagi hamkorlikning ustuvor yo‘nalishlari bo‘yicha bir qator bitim va qarorlar qabul qilindi.

2024-yil 16-sentabrdan 28-sentabrgacha JIDU huzuridagi Diplomatik akademiyada O’zbekiston Respublikasi Tashqi ishlar vazirligi xodimlari uchun qisqa muddatli "O'zbekiston Respublikasining yangilangan tashqi siyosatining konseptual asoslari, zamonaviy diplomatiyada “Yumshoq kuch”, diplomatik protokol va etiket" mavzudagi malaka oshirish va qayta tayyorlash kursi tashkil etildi.

Diplomatlarning o’quv jarayoniga Respublika va JIDUning yetakchi mutaxassislari jalb etildi.

2024-yil 28-sentabr kuni o‘qish jarayonini muvoffaqiyatli tugatgan barcha tinglovchilariga O'zbekiston Respublikasi TIV JIDU huzuridagi Diplomatik akademiyaning qisqa muddatli kurslarini tamomlaganlik to'g'risidagi sertifikatlar topshirildi.

Nyu-Yorkda BMT Bosh Assambleyasining 79-sessiyasi doirasida Baxtiyor Saidov va Sergey Lavrov o‘rtasida uchrashuv bo‘lib o‘tdi.

Uchrashuvda ikki davlat tashqi ishlar vazirlari strategik sheriklikning dolzarb masalalarini, shuningdek, bo‘lajak oliy va oliy darajadagi tadbirlarga tayyorgarlik ko‘rishni muhokama qildilar.

Qayd etilishicha, ikki tomonlama hamkorlik kun tartibi keng ko‘lamliligicha qolmoqda va barcha sohalarni qamrab oladi.

“Oʻzaro ishonchni mustahkamlash maqsadida davlatlar bir-birining ichki ishlariga aralashmaslik tamoyiliga amal qilish muhimligi qayd etildi. Biz ittifoqchilik ruhidagi doimiy muloqotimizni davom ettirishga kelishib oldik" – dedi B.Saidov.

O‘zbekiston Respublikasi Prezidenti Shavkat Mirziyoyev 2024 yil 17-sentabr kuni Ostona shahrida ikkinchi "Markaziy Osiyo - Germaniya" sammitida ishtirok etdi.

Qozog‘iston Respublikasi Prezidenti Qasim-Jomart Toqayev raisligida o‘tgan tadbirda Germaniya Federal Kansleri Olaf Shols, Qirg‘iz Respublikasi Prezidenti Sadir Japarov, Tojikiston Respublikasi Prezidenti Emomali Rahmon va Turkmaniston Prezidenti Serdar Berdimuhamedov ham qatnashdi.

Markaziy Osiyo mamlakatlari va Germaniya o‘rtasidagi ko‘p qirrali hamkorlikni yanada chuqurlashtirish masalalari ko‘rib chiqildi. Investitsiya va texnologiyalar, o‘ta muhim xomashyo resurslari, "yashil" energetika, transport va logistika aloqalari, iqlim o‘zgarishiga qarshi kurashish sohalarida sheriklikni rivojlantirish, shuningdek, ta’lim va madaniy dasturlarni amalga oshirish masalalariga alohida e’tibor qaratildi.

O‘zbekiston Prezidenti o‘z nutqida Germaniya Markaziy Osiyo mamlakatlarida olib borilayotgan demokratik o‘zgarishlar va ijtimoiy-iqtisodiy islohotlarni, mintaqadagi hamkorlik va integratsiyani qat’iy hamda o‘zgarmas qo‘llab-quvvatlayotganini yuqori baholadi.

Shuningdek, Germaniya bilan terrorizm, ekstremizm va kiberjinoyatchilikka qarshi kurashish, yoshlar radikallashuvining oldini olish masalalarida yaqin hamkorlikni davom ettirish zarurligi qayd etildi.

Samarqand shahrida boʻlib oʻtgan muzokaralar yakunida Oʻzbekiston Prezidenti Shavkat Mirziyoyev va Germaniya Federal kansleri Olaf Sholts qoʻshma deklaratsiyani qabul qildi.

Rasmiy tashrif doirasida 8 ta ikki tomonlama hujjat imzolandi, xususan:

– hukumatlararo Bitim to'g'risida keng qamrovli sheriklik soxasi migratsiya va mobillik;

– hukumatlararo deklaratsiyai hamkorii sohai veterinariya va chorvachilik;

– “Yashil Markaziy Osiyo” tashabbusi doirasida suv resurslaridan barqaror foydalanish bo‘yicha hamkorlik to‘g‘risidagi hukumatlararo deklaratsiya;

– muhim foydali qazilmalar sohasida hamkorlik to‘g‘risidagi qo‘shma deklaratsiya;

– transport sohasida hamkorlik to‘g‘risidagi bitim;

– Parij kelishuvi doirasida iqlim o‘zgarishi sohasida hamkorlik to‘g‘risidagi memorandum.

Shuningdek, 2024–2026 yillarga mo‘ljallangan texnologiyalar bo‘yicha sheriklik va sanoat kooperatsiyasi dasturi qabul qilinib, O‘zbekiston va Germaniyaning yetakchi korxonalari darajasida kelishuv va shartnomalar paketi tuzildi.

2024 йил 8 сентябрь куни Жаҳон иқтисодиёти ва дипломатияси ҳузуридаги Дипломатик академия магистрантларининг 2024-2025 ўқув йили Ўзбекистон мустақиллигининг 33 йиллигига бағишланган “Биз бир бўлсак – ягона халқмиз, бирлашсак – Ватанмиз!” шиори остидаги маънавият-маърифат дарси ўтказилиши билан бошланди.

Дарс дамомида Ўзбекистоннинг мустақиллик, айниқса, охирги йиллардаги жадал ривожланиши тарихига оид маълумотлар берилди. Шу жумладан, халқимизнинг эрки, озодлиги, миллатимизнинг фаровонлиги орзусида курашган аждодларимиз жасорати ҳақида гапирилди. Ҳозирги истиқлолга, тараққиётга ўз-ўзидан эришилмагани, ушбу йўналишда, айниқса 2016 йилдан кейин Президент Ш.М.Мирзиёев бошчилигида мамлакатимиз тараққиётнинг янги босқичига қадам қўйиб, барча соҳа ва тармоқларда туб ислоҳотлар амалга оширилаётганлиги, демократик янгиланиш жараёнлари кечаётганлигига урғу берилди. 

Ўтган давр эркин ва фаровон ҳаётни, буюк келажакни фақат ва фақат мустақиллик асосидагина қуриш мумкинлиги таъкидланди. Миллат ифтихори бўлган бобокалонларимизнинг Ватан тинчлиги ва озодлиги йўлидаги кураши ҳақида тўхталиб ўтилди.

Тарихий адолат, ҳақиқатнинг тикланиши туфайли миллий истиқлолимиз йўлида жонини фидо қилган қатағон қурбонлари, тараққийпарвар жадидлар номлари тикланганлиги мустақил Янги Ўзбекистоннинг тараққиёти пойдевори асоси бўлиши таъкидланди.

Академия магистрантларининг Ўзбекистон дипломатияси ривожланиш жараёнларига боғлиқ саволларига жавоб берилди. Шунингдек, мамлакатимиз сиёсий, иқтисодий ва ижтимоий ривожланиш кўсаткичларига оид тегишли слайдлар намойиш этилди.

2024-yil 27-avgust kuni Jahon iqtisodiyoti va diplomatiya universitetida “Tolibon hokimiyati ostidagi Afg‘oniston: qo‘shni davlatlar va buyuk kuchlarning munosabati” mavzusida xalqaro konferensiya o‘tkazildi. Konferensiyani Oliy Majlis Senati raisining birinchi o‘rinbosari, JIDU rektori Sodiq Safoyev ochib berdi.

Ushbu konferensiyada Markaziy Osiyo davlatlari, Germaniya, Xitoy, Hindiston va Rossiyadan yetakchi ekspertlar, hamda JIDU huzuridagi Diplomatik akademiya vakillari va JIDU professor-o‘qituvchilari ishtirok etdi. Mazkur konferensiya davomida Afg‘onistonning siyosiy, iqtisodiy va ijtimoiy barqarorligi masalalari batafsil muhokama qilindi.

Qizg‘in muhitda o‘tkazilgan muhokamalar chog‘ida Afg‘onistonning muvoqot hokimiyati bilan mintaqaviy va global siyosatning asosiy sub'ektlari o‘rtasidagi siyosiy, diplomatik, savdo-iqtisodiy munosabatlarga oid masalalar boyicha ekspertlar savol-javob orqali fikr almashdi. Mutaxassislar mintaqaviy xavfsizlik tizimidagi yangi tendensiyalar, muammolar va rivojlanish istiqbollari haqida alohida to‘xtaldilar.

Joriy yilning 13-avgust kuni JIDU huzuridagi Diplomatik akademiyada Pokiston Islom Respublikasining O‘zbekiston Respublikasidagi elchisi A.Faruq bilan uchrashuv bo‘lib o‘tdi.

Uchrashuvda diplomatik kadrlar tayyorlash sohasida tajriba va bilim almashish, ikki davlat diplomatik akademiyalari o‘rtasida o‘zaro manfaatli hamkorlik masalalari muhokama qilindi. Suhbat samiymiy va do‘stona ruhda o‘tdi.

Joriy yilning 9-avgustda JIDU huzuridagi Diplomatik akademiyada
Hindiston – Markaziy Osiyo jamgʻarmasi (ICAF) direktori R.Dvivedi va uning hamrohlari bilan ishchi uchrashuv boʻlib oʻtdi.

Bo‘lib o‘tgan suhbat chog‘ida ICAF  va JIDU huzuridagi Diplomatik akademiya bilan oʻquv va ilmiy ishlar yuzasidan hamkorlik masalalari muhokama qilindi. Shu jumladan ilgargi kelishuvlarga muvofiq oʻzbek, ingliz va rus tillarida chop etilishi rejalashtirilgan “India-Uzbekistan Perspectives on Connectivity Between South and Central Asia” nomli kitob masalasi ham muhokama qilindi.

Suhbat do‘stona va konstruktiv ruhda o‘tdi.

2024-yil 23-iyulda Jahon iqtisodiyoti va diplomatiya universiteti hamda JIDU huzuridagi Diplomatik akademiya talaba va magistrantlarining bitiruv kechasi tantanali ravishda bo‘lib o‘tdi.

O‘zbekiston Kasaba uyushmalari federatsiyasi binosida o‘tkazilgan tadbirda O‘zbekiston Respublikasi Tashqi ishlar vazirligi, Jahon iqtisodiyoti va diplomatiya universiteti, JIDU huzuridagi Diplomatik akademiya rahbariyati hamda O‘zbekiston Respublikasida faoliyat olib borayotgan xorijiy mamlakat elchilari ishtirok etishdi.

Tantanani O‘zbekiston Respublikasi Oliy Majlisi Senati Raisining birinchi o‘rinbosari, Jahon iqtisodiyoti va diplomatiya universiteti rektori S.Safoyev va Tashqi ishlar vazirning birinchi o‘rinbosari B.A’loyev tabrik so‘zlari bilan ochib berishdi va bitiruvchilarni tabriklab diplom va sertifikatlar topshirishdi.